منتديات ال سبتي
مرحبا بك في منتديات ال سبتي
انت غير مسجل




 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 خلطة تسمين سهلة وسريعة وعالأمانة مجربة ....

اذهب الى الأسفل 
كاتب الموضوعرسالة




تاريخ التسجيل : 01/01/1970

مُساهمةموضوع: خلطة تسمين سهلة وسريعة وعالأمانة مجربة ....   الأربعاء يناير 09, 2013 11:15 pm


بسم الله الرحمن الرحيم
كيفكم يا أحى منتدى .....
كتييييييير في خلطات على النت عن التسمين ومفيدة بس انا قد ما تعذبت قلت حتى لو
موجودة كتييير هادي الوصفات راح انزل وصفتي لعل وعسى وحدة تستفيد منها .....
ومع انه وصفتي متواضعة بس اعطتني نتيجة

وانا من النوعية اللي لما اشوف المكونات كتييرة بتكاسل اعملها ..... كسولة بعيد عنكم هههههههههه


انا بعد ما ولدت ابني حبيبي نزل وزني كتــــير وصار شكلي موحلو وانا اول مناطق بتنحف فيي
هيي وجهي وسدري كتيييير صار منزري مو حلو
ودورت ولفيت على وصفات .... بس انا كتييير موسوسة يعني بخاف ... مثلا بقلك الحلبة
بتأثر على الهرمونات وبلا بلا بلا ......

هلا المهم يئست ورحت للعطار بدي خلطة بقلو للتسمين قلي بعطيكي خلطة مضمونة
وما فيها حلبة
طبعا انا وقتها بقول بيني وبين حالي يا سلاااااااام وينك من زمان

المهم عطاني اياها .....

وللأمانة اول ما بلشت أستعملها كان وزني 46ك........ استعملتها لمدة اسبوعين او 3
ومو بشكل منتظم >>>>>>>>> مو قلتلكم كسولة
وبصراحة كنت بستعملها ومو متلهفة اعرف النتيجة لاني شو مو مقتنعة 100%

المهم شو بدكم بطولة السيرة رحت عالصيدلية بدي اجيب كريم ولا همي عندهم ميزان الكتروني قلت هاد بيعطيني
وزني تمام رحت توزنت وانصعقت .............

50.3كغ >>>>>>>>>

صدقا هاد يلي صار معي وبنات طلعت من الصيدلية طاااااايرة من الفرح ونفسيتي قلبت

هلأ وقت الخلطة هيي عبارة عن
قطين .... التين المنشف شكلو متل هيك

zc3751dd69e[/imgalt]]

تمر أي نوع بدك اياه او متوافر عندك
fruit-dried-dates-deglett[/imgalt]]

زبيب برضو أي نوع بدك اياه
d06653ee1c[/imgalt]]

بس بتنقعيهم بمي بالليل لتاني يوم ما في كمية معينة بتنقعي من التلات وبتشربي كاسة بعد كل وجبة
كل ما تاخدي كاسة من الخلطة زيدي بدالها كاسة مي ورجعيها عالتلاجة لمدة تلات ايام بعد تلات ايام
انقعي غيرهم ... ولازم تاكليهم
بس هلا للأمانة انا ما أكلتهم العطار قلي كليهم بس انا ما قدرت طعمهم مو زاكي بلا طعم
هلا انا كنت اعمل متل ما كانت ليان؟ تعمل انو ما آكل انسى حالي بلا اكل فلما صرت آخد هاي الوصفة
صارت تغصبني اني آكل لاني بجوع بفترة قصيرة وبشدة وصرت آكل كميات اكبر من اللي متعودة عليها
وزدت وترى بنات قطعتها لفترة ووزني بقي متل ما هو ما نزل ابدا بس رجعت لاني لازم اوصل لل 55
ادعولي اوصلهم

بتمنى انكم تستفيدو ولو انو في وصفات كتيييير وفيها مواد اكتر بس بتمنى وصفتي المتواضعة
تعطيكم نتيجة وبعرف طولت عليكم بالحكي
وبتمنى منكم دعوة انه ربي يرحمني ويغفرلي ويحفظني أنا وعائلتي يا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خلطة تسمين سهلة وسريعة وعالأمانة مجربة ....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ال سبتي :: منتديات الاسره والمجتمع :: الاناقة والجمال-
انتقل الى: