موضوع: مغامرات بنت تسري تالي اليل السبت سبتمبر 22, 2012 4:58 pm
دخلت هند على امها وهي جالسه تتابع اخبار سوريا ولسانها يلهث بالدعاء لهم وعلى بشار الكلب هند تقاطع مناجاة الام لربها يمه يمه يمااااه والام مع كل كلمه تصدر من هند تأشر براسها يعني فارقي بدعي ماني فاضيه لك قاطعتها هند مره مرتين الثالثه الريموت يرتطم بوجه هند اح يماااه عورتيني تستاهلين ماتشوفيني لاهيه وش تبين تقاطعيني وانا ادعي على كلب البعث بشار انتي ماتشوفيه حشر المسلمين الله ياجعل حشرته في المجاري اللي كان فيها القذافي عاجله غير آجله قولي امين امين امين بس خليني من بشار يمه تكفين انا طفشانه ابي اطلع شوفي واحد من العيال يطلعنا اي مكان قسم ضايقه فيني الوسيعه جييعلها تضيق الوسيعه على بشار ومايلقى له حتى جحر ينخش فيه قولي امين ياليلي ليلاه يا يمه تكفين انا اكلمك ابي اطلع وتكلميني عن بشار الزفت حسي فيني يماااه وين تطلعين جعلها تطلع روح بشار عسره اخوانك كلاب كنهم بشار الواحد من اكلمه يقعد يتصدد كنه شايف له منكر ويقول مواعد رياجيل عندنا شغل مهم وهذاني لي اسبوع ابي السوق بروح اجيب لي شوية غريضات ناقصه البيت وماحد وداني استرحمي ربك وروحي صلي ركعتين لله وادعي على بشار ان الله ياخذه ويفك المسلمين من شره
ياسبحان الله يايمه لك ساعتين مقابله التلفزيون وبس تدعين ما شفتك قمتي تصلين ركعتين وانا على طول قلتي لي روحي صلي ركعتين تصرفيني يعني ؟
اقول ورا ماتفارقيني قبل يجيك التلفزيون خرجت هند من امها وهي تنافخ وتتمتم بكلمات تشابه كلمات الشغالات في حالة التحلطم دخلت هند لغرفتها وهي متضايقه جدا ومسكت حظها في زاويه وماخلت كلمه خايسه الا قالتها لهذا الحظ الضعيف امحق حظ علي وامحق اهل مايقدرون النفسيات ياربي انا ليه عايشه بينهم ليه ماطلعت بنت ناس ثانين متحررين وماعندهم عقد طلعه بس بطلع والله ماطلبت شي محرم بشم هوا بشوف ناس غير اهلي انا عايشه بسجن ولا وشو ياربي وش هالحظ المعفن الي علي وبينما هند مستمره في وصلة الردح على حظها دخلت عليها الشغاله تقول ماما تحت تقولك قولي امين لانها جالسه تسوي دعاء على بشار وبسرعة البرق تمسك هند الابجوره وتحذفها على الشغاله وهي تصرخ لكن الشغاله تفادت الضربه وصكت الباب قبل يجيها شي وبعد ثانيتين تفتح الشغاله الباب وهي تضحك وماما تقولك بعد لاتنسين الركعتين صفقت الباب بسرعه وانحاشت تحت قبل تقتلها هند الطفش والحلطمه والضيقه والنعاس غلب هند وخذت لها نومه طويله وماصحت الا على صوت طنطنت الـ بي بي شافت الساعه ولا هي 2 بعد منتصف الليل كانت برود كاستات سخيفه وسماجة بعض البنات خذت ال بي بي معها وهي نازله كانت تسولف للبنات انها توها صاحيه وميته جوع ومتضايقه . نزلت ومالقت احد واعي من اهلها كلهم نايمين راحت للمطبخ تشوف لها شي تاكله والمطبخ كان منفصل عن البيت الداخلي وهي رايحه صوبه سمعت صوت ضحك وقهقهه عاليه وكأنها لمة شباب والصوت قريب من البيت اتبعت هند مصدر هذا الصوت لين وصلت عند نهاية حديقتهم وهي تقترب سمعت مجموعة شباب يتآمرون على واحد سكران !! وهم يضحكون عليه وعلى حالته الي شافوه فيها
وفهمت هند من كلامهم ان هذا السكران موجود حاليا وجالس بروحه بزاويه صاده بالحاره وماحوله احد وانه صيده سهله لهم وهم يبون يستهبلون عليه ويجننونه وجالسين يسوون مخططهم وكان واحد يقول لهم انتو بتستهبلون بكيفكم بس انا ان لقيت معه فلوس ولا شراب باخذهم لي ويقاطعه واحد من الشباب . شف اذا تبي الشراب اخذه لكن الفلوس بنتناصفها كلنا هند وهي تسمعهم طنطن عندها ال بي بي العيال يقولون لبعض من عنده ذالصوت ؟ كل واحد يقول مو عندي
